భారత వాయుసేన జరిపిన దాడులపై పశ్చిమ బెంగాల్ ముఖ్యమంత్రి మమతా బెనర్జీ స్పందించారు. ఈ మేరకు తన ట్విట్టర్ ఖాతాలో ఓ ట్వీట్ ను పెట్టారు. ఐఏఎఫ్ అంటే 'ఇండియన్ అమేజింగ్ ఫైటర్స్' అని అభివర్ణించిన ఆమె, 'జై హింద్' అని వ్యాఖ్యానించారు. వైమానిక దళాలు చేసిన ఈ దాడులపై ప్రతి భారతీయుడూ అభినందించాల్సిందేనని అన్నారు. భరతమాత కోసం ప్రాణాలను అర్పించిన వారి ఆత్మలు ఈ దాడిని చూసి శాంతిస్తాయని పేర్కొన్నారు. ఇండియన్ ఎయిర్ ఫోర్స్ చేసిన సర్జికల్ స్ట్రయిక్స్ పై పలువురు సెలబ్రిటీలు, పొలిటికల్ లీడర్స్ అభినందనలు తెలుపుతున్నారు.