జనసేన తీర్థం పుచ్చుకున్న విశాఖ మాజీ ఎమ్మెల్యే అల్లు భానుమతి
- 1985లో ఎమ్మెల్యేగా ఎన్నిక
- పార్టీలో చేరిన రఘురాజ్, సన్యాసినాయుడు
- కండువా కప్పి పార్టీలోకి ఆహ్వానించిన పవన్
విశాఖపట్టణం మాజీ ఎమ్మెల్యే అల్లు భానుమతి జనసేన అధినేత పవన్ కల్యాణ్ సమక్షంలో ఆ పార్టీలో చేరారు. ఆమెతో పాటు ఆమె మనవడు యర్రా రఘురాజ్, నగర మాజీ కార్పొరేటర్ యర్రా సన్యాసినాయుడు తదితరులు జనసేన తీర్థం పుచ్చుకున్నారు. 1985లో భానుమతి విశాఖ-1 అసెంబ్లీ నియోజకవర్గం నుంచి శాసనసభకు ఎన్నికయ్యారు. విజయవాడలోని జనసేన పార్టీ కార్యాలయంలో భానుమతి తదితరులకు పవన్ కండువా కప్పి పార్టీలోకి ఆహ్వానించారు.
