పేషెంట్ పట్ల అసభ్య ప్రవర్తన.. ల్యాబ్ టెక్నీషియన్ అరెస్ట్
- హైదరాబాద్ లోని విజయనగర్ కాలనీలో ఘటన
- తాకరాని చోట తాకిన టెక్నీషియన్
- పోలీసులకు ఫిర్యాదు చేసిన యువతి
అనారోగ్యంతో ఉన్న యువతిని వైద్య పరీక్షలు చేయించుకుని రావాలని వైద్యుడు చెబితే, ఆయన సూచన మేరకు ఓ డయాగ్నస్టిక్‌ సెంటర్‌ కు వెళ్లగా, టెక్నీషియన్ అసభ్యంగా ప్రవర్తించిన ఘటన హైదరాబాద్ లో జరిగింది. నగరంలోని గోల్కొండ ప్రాంతానికి చెందిన ఓ యువతి (22) విజయనగర్ కాలనీలో ఉన్న విజయా డయాగ్నస్టిక్‌ సెంటర్‌ కు సిటీ స్కానింగ్‌ నిమిత్తం వెళ్లగా, అక్కడ టెక్నీషియన్ గా పని చేస్తున్న ఓ యువకుడు ఆమెతో అసభ్యంగా ప్రవర్తించాడు. తాకకూడని చోట తాకాడు. దీనిపై బాధితురాలు హుమయూన్‌ నగర్‌ పోలీస్‌ స్టేషన్‌ లో ఫిర్యాదు చేయగా కేసు నమోదైంది. నిందితుడిని అరెస్ట్ చేశామని, ప్రస్తుతం అతన్ని విచారిస్తున్నామని పోలీసు అధికారి ఒకరు తెలిపారు.
