కేటీఆర్ కు వినతిపత్రాన్ని అందించిన బాల్క సుమన్

తెలంగాణ ఐటీ, మున్సిపల్ శాఖల మంత్రి కేటీఆర్ కు పెద్దపల్లి ఎంపీ బాల్క సుమన్ వినతి పత్రాన్ని అందించారు. హైదరాబాదులో అన్ని కులాలకు స్థలాల కేటాయింపు, భవన నిర్మాణాలకు నిధులను మంజూరు చేసినట్టుగానే 'నేతకాని' కులానికి కూడా స్థలాన్ని, నిధులను కేటాయించాలని విన్నవించారు. బాల్క సుమన్ విజ్ఞప్తిపై కేటీఆర్ సానుకూలంగా స్పందించారు. రానున్న ఎన్నికల్లో గెలిచి, టీఆర్ఎస్ మళ్లీ అధికారంలోకి రాగానే ఈ అంశంపై నిర్ణయం తీసుకుంటామని హామీ ఇచ్చారు.