మాజీ ఎమ్మెల్యే జూలకంటి హౌస్ అరెస్ట్

మాజీ ఎమ్మెల్యే జూలకంటి రంగారెడ్డిని పోలీసులు హౌస్ అరెస్ట్ చేశారు. నల్గొండ జిల్లా మిర్యాలగూడలో ఆయనను గృహ నిర్బంధం చేశారు. ప్రజా సమస్యల పరిష్కారం కోసం కలెక్టరేట్ల ముట్టడికి బీఎల్ఎఫ్ పిలుపునిచ్చింది. ఈ నేపథ్యంలో పలువురు బీఎల్ఎఫ్ నేతలను పోలీసులు ముందస్తుగా అరెస్ట్ చేస్తున్నారు. ఈ సందర్భంగా జూలకంటి మాట్లాడుతూ, అరెస్ట్ లతో ఉద్యమాలను ఆపలేరని అన్నారు. ఎన్నికల్లో ఇచ్చిన హామీలను టీఆర్ఎస్ ప్రభుత్వం తుంగలో తొక్కిందని మండిపడ్డారు. ప్రతిపక్షాల గొంతు నొక్కేందుకు ప్రభుత్వం కుట్రలు చేస్తోందని అన్నారు.