వేట మొదలైంది... కశ్మీర్లో ముగ్గురు ఉగ్రవాదుల ఎన్ కౌంటర్... వీర మరణం పొందిన జవాను!

కేంద్ర ప్రభుత్వం చెప్పినట్టుగానే జమ్మూ కశ్మీర్లో ఉగ్రవాదుల వేటను ప్రారంభించింది. ఈ ఉదయం అనంతనాగ్ జిల్లాలోని శ్రీగుప్వారాలో భారీ ఎన్ కౌంటర్ జరుగగా ముగ్గురు ఉగ్రవాదులు హతమయ్యారు. ఓ ఇంట్లో ఉగ్రవాదులు భారీ ఎత్తున ఆయుధాలతో ఉన్నారన్న సమాచారంతో ఆ ప్రాంతాన్ని సైనిక బలగాలు చుట్టుముట్టాయి.

విషయం గమనించిన ఉగ్రవాదులు కాల్పులు జరుపుతూ పారిపోయేందుకు ప్రయత్నించగా, సైనికులు ఎన్ కౌంటర్ ప్రారంభించారు. ఈ ఘటనలో ఓ జవాను వీరమరణం పొందగా, మరో ఇద్దరు పౌరులకు బులెట్ గాయాలు అయ్యాయి. గాయపడిన పౌరులను ఆసుపత్రికి తరలించినట్టు సైనికాధికారి ఒకరు తెలిపారు. ఎన్ కౌంటర్ తరువాత అత్యాధునిక తుపాకులతో పాటు గ్రనేడ్లు, మందుగుండు సామాగ్రిని సొంతం చేసుకున్నట్టు వెల్లడించారు.