విజయవాడలో అద్దె ఇల్లు తీసుకున్న పవన్ కల్యాణ్... నేడు గృహ ప్రవేశం!

అమరావతి ప్రజలకు అందుబాటులో ఉండాలన్న ఉద్దేశంతో విజయవాడలో జనసేన పార్టీ అధినేత పవన్ కల్యాణ్ ఓ అద్దె ఇంటిని తీసుకున్నారు. పటమటలో ఉన్న సువిశాలమైన ఈ ఇంట్లోకి పవన్ నేడు గృహ ప్రవేశం చేయనున్నారు. కాగా, పవన్ నాగార్జున వర్శిటీ సమీపంలోని కాజ గ్రామంలో దాదాపు 2 ఎకరాల భూమిని కొనుగోలు చేసి, అక్కడ తన ఇంటిని, కార్యాలయాన్ని తీర్చిదిద్దుతున్న సంగతి తెలిసిందే. ఈ పనులు ఆలస్యమయ్యే అవకాశాలు ఉండటంతోనే, అద్దె ఇల్లు తీసుకోవాలని ఆయన నిర్ణయించుకున్నట్టు తెలుస్తోంది. నిన్న హైదరాబాద్ నుంచి విజయవాడ చేరుకున్న పవన్, మరో రెండు రోజుల పాటు విజయవాడ ప్రాంతంలోనే ఉంటారు.