రవితేజ కొత్త సినిమా ట్రైలర్ విడుదల

మాస్‌ మహారాజా రవితేజ నటించిన ‘నేల టిక్కెట్టు’ సినిమా ట్రైలర్‌ను ఆ చిత్ర యూనిట్‌ ఈ రోజు విడుదల చేసింది. ఈ సినిమాను కల్యాణ్‌ కృష్ణ దర్శకత్వంలో రామ్‌ తాళ్లూరి నిర్మించారు. ఇందులో రవితేజ సరసన మాళవిక శర్మ నటించింది. సంగీత దర్శకుడు శక్తికాంత్‌ కార్తీక్‌ అందించిన బాణీలు అలరిస్తున్నాయి. ఈ ట్రైలర్‌లో రవితేజ చేస్తోన్న ఫైట్స్‌, డ్యాన్స్‌ అదుర్స్‌ అనిపిస్తున్నాయి.

'ఎంత మంది కష్టాల్లో ఉన్నారో చూడరా.. కానీ సాయం చేసేవాడు ఒక్కడూ లేడు' అంటూ రవితేజ డైలాగు చెప్పడాన్ని ఈ ట్రైలర్ లో చూడచ్చు. ఇందులో రవితేజ వృద్ధులకు సాయం చేస్తూ వారి పక్షాన మాట్లాడుతున్నాడు. అలాగే, జగపతి బాబు ప్రతినాయకుడి పాత్రలో కనపడుతూ 'నేను ఎదగడానికి ఎంత మందినైనా తొక్కేస్తాను' అంటూ డైలాగు కొట్టాడు.