ఉమ్మడి ఆంధ్రప్రదేశ్‌లో చంద్రబాబు సీఎంగా ఉన్న సమయంలో ఆయనకు చీఫ్‌ సెక్యూరిటీ ఆఫీసర్‌ (సీఎస్‌వో)గా పనిచేసిన షేక్‌ మహ్మద్‌ ఇక్బాల్‌.. ఈ రోజు వైఎస్సార్‌ కాంగ్రెస్‌ పార్టీ అధ్యక్షుడు జగన్మోహన్‌ రెడ్డి సమక్షంలో ఆ పార్టీ తీర్థం పుచ్చుకున్నారు. ప్రస్తుతం జగన్‌ పశ్చిమ గోదావరి జిల్లాలో పాదయాత్ర చేస్తోన్న విషయం తెలిసిందే. ఈ రోజు పలువురు వైసీపీ నేతలు ఇక్బాల్‌ను జగన్‌ వద్దకు తీసుకొచ్చారు.

ఈ సందర్భంగా షేక్‌ మహ్మద్‌ ఇక్బాల్‌కు వైసీపీ కండువా కప్పిన జగన్‌.. ఆయనను పార్టీలోకి ఆహ్వానిస్తున్నట్లు పేర్కొన్నారు. గతంలో ఇక్బాల్‌.. రాయలసీమ ఐజీగా కూడా పనిచేశారు. అంతేగాక, పలు శాఖల్లో కీలక పదవీ బాధ్యతలు నిర్వర్తించారు. ఆయన కర్నూలు జిల్లాకు చెందిన నేత.