అప్పటి, ఇప్పటి ఫొటోలను పోస్ట్ చేసిన ఆర్జీవీ!

దర్శకుడు రామ్‌ గోపాల్‌ వర్మ తాజాగా ట్విట్టర్‌లో రెండు ఫొటోలను పోస్ట్ చేసి గత జ్ఞాపకాలను గుర్తు తెచ్చుకున్నారు. అందులో పై నున్న ఫొటోలో తనతో పాటు.. తాను దర్శకత్వం వహించిన మొట్టమొదటి సినిమా 'శివ'కు తన వద్ద పనిచేసిన అసిస్టెంట్‌ డైరెక్టర్లు ఉండగా; కింది ఫొటోలో తాజాగా నాగార్జునతో చేస్తున్న 'ఆఫీసర్‌' సినిమాకు పని చేసిన అసిస్టెంట్‌ డైరెక్టర్లు ఉన్నారు.

శివ సినిమాకు అసిస్టెంట్ డైరెక్టర్లుగా గుణశేఖర్‌, కృష్ణవంశీ, తేజ, ఉత్తేజ్‌, ఫణి పనిచేశారు. రామ్‌గోపాల్ వర్మ, నాగార్జున కాంబినేషన్‌లో వస్తోన్న ‘ఆఫీసర్’ సినిమా విడుదలకు సిద్ధమవుతోంది. ఇందులో నాగార్జున పోలీస్ ఆఫీసర్‌గా కనిపించనున్నారు. హీరోయిన్‌గా మైరా సరీన్ నటిస్తోంది.