మా అమ్మపై వేసిన ఒట్టు తీసి గట్టుమీద పెడుతున్నా: రామ్ గోపాల్ వర్మ

ఇకపై జన్మలో పవన్ కల్యాణ్ ను పల్లెత్తు మాట అననని చెబుతూ, తన కన్నతల్లిపై ఒట్టేసి ఈ మాట చెబుతున్నానని వ్యాఖ్యానించిన దర్శకుడు రామ్ గోపాల్ వర్మ, గంటలు గడవకుండానే తన నిర్ణయాన్ని మార్చుకున్నాడు. తన తల్లిపై వేసిన ఒట్టు తీసి గట్టుమీద పెడుతున్నానని, ఇందుకు ఆమె అనుమతి ఇచ్చిందని తన ట్విట్టర్ ఖాతాలో ఈ ఉదయం ఓ పోస్టు పెట్టాడు.

 "నేను చేసిన పనికి సారీ చెప్పి, పీకే మీద ఇక కామెంట్ చెయ్యనని మా మదర్ మీద ఒట్టేశాను. ఆ తరువాత కూడా నేను... సీబీఎన్, లోకేశ్, శ్రీనిరాజు, ఆర్కే, రవి ప్రకాష్, మూర్తి కూటమిలో ఉన్నానని ఆరోపించడం మూలాన మా మదర్ అంగీకారంతో ఇప్పుడు నా ఒట్టు తీసి గట్టు మీద పెట్టాను" అని చెప్పాడు.