5 కోట్ల రూపాయల ఆఫర్ ను శ్రీరెడ్డి తిరస్కరించింది: రాంగోపాల్ వర్మ
- వివాదం పరిష్కరిస్తానని నేనే ముందుకొచ్చాను
- సెటిల్ మెంట్ చేసుకోవాలని శ్రీరెడ్డికి చెప్పాను
- ఐదు కోట్లు వచ్చేలా చేస్తానని అన్నాను
5 కోట్ల రూపాయలు వచ్చేలా చేస్తానని శ్రీరెడ్డికి ఆఫర్ చేస్తే, నిర్ద్వంద్వంగా తిరస్కరించిందని ప్రముఖ దర్శకుడు రాంగోపాల్ వర్మ తెలిపారు. క్యాస్టింగ్ కౌచ్ పై ఉద్యమం మొదలు పెట్టిన శ్రీరెడ్డి, ప్రముఖ నిర్మాత దగ్గుబాటి సురేష్ కుమారుడు అభిరాంతో దిగిన ఫొటోలను సోషల్ మీడియాలో పోస్టు చేసిన సంగతి తెలిసిందే. ఈ నేపథ్యంలో ఆ వివాదాన్ని పరిష్కరించేందుకు తనంత తానుగా ముందుకు వచ్చానని రాంగోపాల్ వర్మ తెలిపారు.
సెటిల్ మెంట్ చేసుకోవాలని శ్రీరెడ్డికి సూచించానని, సురేష్ కుటుంబం నుంచి ఐదు కోట్లు వచ్చేలా చేస్తానని కూడా చెప్పానని ఆయన వెల్లడించారు. ఈ విషయాలేవీ సురేష్ బాబుకి తెలియవని ఆయన అన్నారు. అయితే తన ఆఫర్ ని శ్రీరెడ్డి నిరాకరించిందని, తాను డబ్బులు తీసుకుంటే చేస్తున్న పోరాటానికి అర్థం ఉండదని, ఎన్నో కుటుంబాలకు లాభం చేకూర్చేందుకు చేసే పోరాటాన్ని పక్కదోవ పట్టించలేనని శ్రీరెడ్డి తనకు చెప్పిందని, ఆమె అంత డబ్బు వదులుకోవడం తనను ఆశ్చర్యానికి గురి చేసిందని ఆయన అన్నారు.
సెటిల్ మెంట్ చేసుకోవాలని శ్రీరెడ్డికి సూచించానని, సురేష్ కుటుంబం నుంచి ఐదు కోట్లు వచ్చేలా చేస్తానని కూడా చెప్పానని ఆయన వెల్లడించారు. ఈ విషయాలేవీ సురేష్ బాబుకి తెలియవని ఆయన అన్నారు. అయితే తన ఆఫర్ ని శ్రీరెడ్డి నిరాకరించిందని, తాను డబ్బులు తీసుకుంటే చేస్తున్న పోరాటానికి అర్థం ఉండదని, ఎన్నో కుటుంబాలకు లాభం చేకూర్చేందుకు చేసే పోరాటాన్ని పక్కదోవ పట్టించలేనని శ్రీరెడ్డి తనకు చెప్పిందని, ఆమె అంత డబ్బు వదులుకోవడం తనను ఆశ్చర్యానికి గురి చేసిందని ఆయన అన్నారు.
