నేను సంపాదన కోసం రాజకీయాల్లోకి రాలేదు: కమలహాసన్

డబ్బు సంపాదన కోసం తాను రాజకీయాల్లోకి రాలేదని ప్రముఖ సినీ నటుడు, మక్కల్ నీదిమయ్యం పార్టీ అధినేత కమలహాసన్ తెలిపారు. తాను రాజకీయాల్లోకి మూడు దశాబ్దాల క్రితమే వచ్చానని ఆయన చెప్పారు. అప్పట్లోనే తాను తన అభిమాన సంఘాలను సమాజ సేవకు అనుగుణంగా మార్చానని తెలిపారు. ఇప్పుడు నేరుగా ప్రజా సేవ చేసేందుకు ప్రత్యక్ష రాజకీయాల్లోకి అడుగుపెట్టానని ఆయన తెలిపారు. అంతే తప్ప సంపాదన కోసం తాను రాజకీయాల్లోకి అడుగుపెట్టలేదని ఆయన స్పష్టం చేశారు. తమ పార్టీకి ప్రజల నుంచి మంచి మద్దతు లభిస్తోందని ఆయన హర్షం వ్యక్తం చేశారు.