మెల్బోర్న్ క్రికెట్ స్టేడియాన్ని సందర్శించిన తెలంగాణ మంత్రి పద్మారావు

తెలంగాణ క్రీడల శాఖ మంత్రి టి.పద్మారావు గౌడ్ నేతృత్వంలోని ఉన్నత స్థాయి బృందం ఆస్ట్రేలియాలోని మెల్ బోర్న్ క్రికెట్ స్టేడియాన్ని ఈరోజు సందర్శించింది. మెల్బోర్న్ క్రికెట్ గ్రౌండ్ లో తెలంగాణ బృందానికి ఘన స్వాగతం లభించింది. స్టేడియం నిర్మాణ తీరుతెన్నులు, సాంకేతిక అంశాలు, క్రీడాకారులకు కల్పించే సదుపాయాలు, ప్రేక్షకులకు అందుబాటులో ఉంచిన సదుపాయాలు తదితర అంశాలను ఉన్నత స్థాయి బృందం పరిశీలించింది.

 అనంతరం, పద్మారావు మాట్లాడుతూ, ముఖ్యమంత్రి కేసీఆర్ ఆదేశాల మేరకు తెలంగాణా రాష్ట్రాన్ని కూడా క్రీడల పరంగా అన్ని సదుపాయాలతో తీర్చిదిద్దుతామని అన్నారు. మంత్రి వెంట ఉన్న ఉన్నత స్థాయి బృందంలో తెలంగాణా క్రీడల ప్రాధికారత సంస్థ  చైర్మన్ ఎ. వెంకటేశ్వర్ రెడ్డి, రాష్ట్ర ప్రభుత్వ క్రీడల కార్యదర్శి బుర్రా వెంకటేశం, మంత్రి ప్రత్యేకాధికారి డాక్టర్ ఎస్.ఎం.రాజేశ్వర్ రావు తదితరులు పాల్గొన్నారు.