మంత్రి సోమిరెడ్డి గెటప్ ను మెచ్చుకున్న చంద్రబాబు

మంత్రి సోమిరెడ్డి చంద్రమోహన్ రెడ్డి ఈరోజు ఏపీ శాసనసభలో వ్యవసాయ బడ్జెట్ ను ప్రవేశపెట్టారు. ఈ సందర్భంగా పక్కా రైతులా... పంచె, కండువా ధరించి సభకు వచ్చారు. రైతు వేషధారణతో అసెంబ్లీకి వచ్చిన సోమిరెడ్డికి అసెంబ్లీ లాబీలో మహిళా మంత్రులు, ఎమ్మెల్యేలు అభినందనలు తెలిపారు. ఆ తర్వాత వారితో కలసి ఆయన సీఎం ఛాంబర్ కు వెళ్లారు. సోమిరెడ్డి వేషధారణ చంద్రబాబును కూడా బాగా ఆకట్టుకుంది. గెటప్ బాగుందంటూ ఆయనను చంద్రబాబు అభినందించారు. మంత్రి పదవికి రాజీనామా చేసిన కామినేని శ్రీనివాస్ కూడా సోమిరెడ్డిని అభినందించారు.