ఏ పార్టీ అయినా నాకు అభ్యంతరం లేదప్పా... సంతకం పెట్టు ఇస్తా: జగన్
- ఏ పార్టీ అధికారంలో ఉంటుందన్నది నాకు ముఖ్యం కాదు
- హోదా, విభజన హామీలను నెరవేర్చాల్సిందే
- హోదాపై సంతకం పెట్టిన ఎవరికైనా మద్దతిస్తా
ఇప్పుడే మూడో కూటమిపై వ్యాఖ్యానించడం సరికాదని, ఎన్నికలు దగ్గరకు వచ్చిన సమయంలో తమకు అనుకూలంగా ఉండే పార్టీలతో జతకట్టే అంశాన్ని పరిశీలిస్తామని తెలిపారు. ఒకే అబద్ధాన్ని తనకు అనుకూలమైన మీడియా ద్వారా పదేపదే చెప్పించి, దాన్ని నిజం చేయించే గోబెల్స్ సిద్ధాంతాన్ని ఇప్పుడు చంద్రబాబు పాటిస్తున్నాడని ఎద్దేవా చేశారు. అవతలి వ్యక్తి ఏం చేస్తున్నా బండలేస్తూ, బురద జల్లుతూ ప్రచారం సాగించే వ్యక్తి ఆయనని అన్నారు. నాలుగేళ్లుగా అడ్డగోలు అవినీతి చేస్తున్న సీఎం చంద్రబాబని నిప్పులు చెరిగారు. తన అవినీతి సొమ్ముతో ఎమ్మెల్యేలను కొనుగోలు చేస్తూ, ఆడియో, వీడియో టేపులతో అడ్డంగా దొరికిపోయిన ఏకైక సీఎం ఆయనేనని జగన్ అన్నారు.
