నాగశౌర్యకి ఖరీదైన కారును కానుకగా ఇచ్చిన తల్లి!

నాగశౌర్య హీరోగా ఆయన సొంత బ్యానర్లో తెరకెక్కిన 'ఛలో' సినిమా భారీ విజయాన్ని సొంతం చేసుకుంది. వెంకీ కుడుముల దర్శకత్వం వహించిన ఈ సినిమా, చిన్న సినిమా సాధించిన పెద్ద విజయంగా నిలిచింది. కామెడీతో కూడిన ఈ లవ్ స్టోరీ యూత్ ను విపరీతంగా ఆకట్టుకోవడంతో, ఈ సినిమా ఇంతవరకూ 28 కోట్ల గ్రాస్ ను సాధించింది.

 హీరోగా నాగశౌర్య కెరియర్లో చెప్పుకోదగిన హిట్ ఇచ్చిన ఈ సినిమా, నిర్మాణపరంగాను వాళ్ల ఫ్యామిలీకి మంచి లాభాలు తెచ్చిపెట్టింది. ఈ సంతోషంతో నాగశౌర్యకి ఆయన తల్లి ఒక ఖరీదైన కారు (porsche cayman 718)ని కొనిపెట్టింది. తల్లి నుంచి ఆ కారును కానుకగా అందుకున్న నాగశౌర్య, ఆనందంతో పొంగిపోతున్నాడు. ఇక నుంచి తాను ఇందులోనే జోరుగా షికారు చేసేస్తానని అంటున్నాడు. ఆయన తాజా చిత్రం తమిళంలో 'కరు' పేరుతోనూ .. తెలుగులో 'కణం' పేరుతో త్వరలో ప్రేక్షకుల ముందుకు రానుంది.