మరో అద్భుతమైన ఫీచర్‌తో మైక్రో బ్లాగింగ్ యాప్ వాట్సాప్ వినియోగదారుల ముందుకొచ్చింది. ఇకపై మారిన నంబరును మిత్రులకు పదేపదే చెప్పాల్సిన అవసరం లేకుండానే వారికి తెలిసేలా కొత్త అప్‌డేట్ వెర్షన్‌లో సరికొత్త ఫీచర్‌ను అందుబాటులోకి తీసుకురాబోతోంది. ఇప్పటి వరకు నంబరు మార్చితే ఆ విషయాన్ని ప్రతి ఒక్కరికి మెసేజ్‌ల ద్వారానో, ఫోన్ చేసో చెప్పాల్సి వచ్చేది.

అయితే, ఇకపై వినియోగదారులు తమ నంబరు మార్చితే ఆ విషయాన్ని మన అనుమతి మేరకు స్నేహితులకు నోటిఫికేషన్ ద్వారా వెళ్లిపోతుంది. తరచూ నంబర్లు మార్చే వారికి ఇది ఎంతగానో ఉపయోగపడే అవకాశం ఉంది. ఇటీవల వరుసపెట్టి తాజా ఫీచర్లను అప్‌డేట్ చేసుకుంటూ వస్తున్న వాట్సాప్ ఈసారి ఈ ఆప్షన్‌ను జోడించాలని నిర్ణయించింది. అలాగే తాజా అప్‌డేట్ వెర్షన్‌లో యాప్ సైజు కూడా గణనీయంగా తగ్గే అవకాశం ఉందని తెలుస్తోంది.