విమానాశ్ర‌యంలో బోర్డింగ్‌కి ముందు ల‌గేజీ చెకిన్ చేసిన త‌ర్వాత ల‌గేజీ భ‌ద్ర‌త గురించి ప్ర‌యాణికులు పెద్ద‌గా ప‌ట్టించుకోరు. విమానయాన సంస్థ సేవ‌ల మీద న‌మ్మ‌కంతో త‌మ ల‌గేజీ భ‌ద్రంగానే ఉంటుంద‌ని అనుకుంటుంటారు. కానీ నిజానికి అది కేవ‌లం భ్ర‌మ మాత్ర‌మే అని ఈ వీడియో చూస్తే అర్థ‌మవుతుంది.

ల‌గేజీ చెకిన్ త‌ర్వాత కార్ట‌న్‌లోకి నింపేట‌పుడు తాళం వేసి ఉన్న బ్యాగులను సిబ్బంది చెక్ చేయ‌డం ఈ వీడియోలో చూడొచ్చు. ఈ వీడియో చూసిన వారంద‌రికీ విమాన ప్రయాణాల్లో త‌మ ల‌గేజీ భ‌ద్ర‌త ప్ర‌శ్నార్థ‌కంగా మారింది. దీంతో `మా ల‌గేజీకి భ‌ద్ర‌త లేదా?` అంటూ విమాన‌యాన మంత్రిత్వ శాఖ‌, విమాన సంస్థ‌ల‌ను ప్ర‌శ్నిస్తున్నారు. ఈ వీడియోను మ‌ణిపూర్ ముఖ్య‌మంత్రి బిరేన్ సింగ్ కూడా షేర్ చేశారు.