రోబోలుగా మార్చే కార్పొరేట్ విద్యా విధానాన్ని సహించను: సీఎం చంద్రబాబునాయుడు

రోబోలుగా మార్చే కార్పొరేట్ విద్యా విధానాన్ని తాను ఎట్టి పరిస్థితుల్లోనూ సహించనని, విద్యార్థులను చదువుకే పరిమితం చేయవద్దని సీఎం చంద్రబాబునాయుడు అన్నారు. ప్రైవేటు కళాశాలల్లో విద్యార్థులు ఆత్మహత్యలకు పాల్పడుతున్న నేపథ్యంలో ఆయా కళాశాలల యాజమాన్యాలతో చంద్రబాబు సమీక్ష నిర్వహించారు. ఈ సందర్భంగా చంద్రబాబు మాట్లాడుతూ, విద్యార్థులను వేధించే పద్ధతులకు తక్షణం స్వస్తి చెప్పాలని, నిబంధనలు ఉల్లంఘించే కళాశాలలపై కఠినచర్యలు తప్పవని హెచ్చరించారు.

ఇంటర్ మీడియట్ లో ర్యాంకుల పద్ధతిని ఎత్తివేసి గ్రేడింగ్ విధానాన్ని తీసుకురావాలని ఈ సందర్భంగా అధికారులను ఆదేశించారు. అధికారులు, కళాశాలల యాజమాన్యాలతో ఓ కమిటీ ఏర్పాటు చేయాలని నిర్ణయించారు.