ముందుగా చెప్పినట్టుగానే వైశ్య సంఘాల నేత శ్రీను తార్నాకలోని ఐలయ్య ఇంటి సమీపానికి చేరుకున్నారు. అప్పటికే ఐలయ్య మద్దతుదారులు పెద్దఎత్తున అక్కడికి చేరుకుని ఉండటంతో ఈ ప్రాంతంలో ఉద్రిక్త వాతావరణం ఏర్పడింది. ఈ ప్రాంతంలో భారీగా మోహరించిన పోలీసులు, ఓ వర్గం వారిని మరో వర్గం వారితో కలవనిచ్చేది లేదని ఇప్పటికే స్పష్టం చేసిన సంగతి తెలిసిందే.

ఇక మరోపక్క, తన ఇంటికి వస్తే తీవ్ర పరిణామాలు ఉంటాయని, జరిగే ఘటనలకు వైశ్యులదే బాధ్యతని ఐలయ్య చెప్పగా, ఆ తీవ్ర పరిణామాలు ఏంటో చూస్తామని వైశ్య సంఘాలు విరుచుకుపడ్డాయి. ప్రస్తుతం వైశ్య నేతలు తార్నాక ఫ్లయ్ ఓవర్ వైపు నుంచి ఐలయ్య ఇంటి వైపు వెళుతుండగా, వారిని అక్కడే మకాం వేసిన పోలీసులు బారికేడ్లతో అడ్డుకుంటున్నారు.