- ట్విట్టర్ ఖాతాలో ట్రైలర్ వీడియోను పోస్ట్ చేసిన రవితేజ
- ‘లైఫ్ ఏదీ ఎదురొచ్చి మనకివ్వదు..’ అంటున్న మాస్ మహరాజ్
మాస్ మహరాజ్ రవితేజ తొలిసారిగా ఓ అంధుడి పాత్రలో నటిస్తున్న చిత్రం ‘రాజా ది గ్రేట్’. ఈ సినిమా ట్రైలర్ ను కొంచెం సేపటి క్రితం రవితేజ తన ట్విట్టర్ ఖాతా ద్వారా విడుదల చేశాడు. ఈ విషయాన్ని పేర్కొన్న రవితేజ, ఇందుకు సంబంధించిన వీడియోను పోస్ట్ చేశాడు.
‘లైఫ్ ఏదీ ఎదురొచ్చి మనకివ్వదు... బాధ నుంచి సంతోషమైనా, ఓటమి నుంచి గెలుపైనా’ అంటూ రవితేజ చెప్పే డైలాగ్, ‘నేను పూరీలు వేసుకోవడం లేదురా, ఉరేసుకుంటున్నాను!’ అని నటుడు రాజేంద్రప్రసాద్ అనడం, ‘చివరగా వచ్చే ఆర్తనాదం వినాలని ఉంది’ అంటూ రవితేజ బదులివ్వడం ఆసక్తికరంగా ఉన్నాయి.
కామెడీ, యాక్షన్ సన్నివేశాలతో పాటు కొన్ని పాటలకు సంబంధించిన సన్నివేశాలు ఈ ట్రైలర్ లో పొందుపరిచారు. కాగా, అనిల్ రావిపూడి దర్శకత్వంలో తెరకెక్కుతున్న ఈ చిత్రంలో రవితేజ సరసన మెహ్రీన్ ఫిర్జాదా నాయికగా నటించింది. రవితేజ తల్లి పాత్రను సీనియర్ నటి రాధిక పోషించారు.
‘లైఫ్ ఏదీ ఎదురొచ్చి మనకివ్వదు... బాధ నుంచి సంతోషమైనా, ఓటమి నుంచి గెలుపైనా’ అంటూ రవితేజ చెప్పే డైలాగ్, ‘నేను పూరీలు వేసుకోవడం లేదురా, ఉరేసుకుంటున్నాను!’ అని నటుడు రాజేంద్రప్రసాద్ అనడం, ‘చివరగా వచ్చే ఆర్తనాదం వినాలని ఉంది’ అంటూ రవితేజ బదులివ్వడం ఆసక్తికరంగా ఉన్నాయి.
కామెడీ, యాక్షన్ సన్నివేశాలతో పాటు కొన్ని పాటలకు సంబంధించిన సన్నివేశాలు ఈ ట్రైలర్ లో పొందుపరిచారు. కాగా, అనిల్ రావిపూడి దర్శకత్వంలో తెరకెక్కుతున్న ఈ చిత్రంలో రవితేజ సరసన మెహ్రీన్ ఫిర్జాదా నాయికగా నటించింది. రవితేజ తల్లి పాత్రను సీనియర్ నటి రాధిక పోషించారు.
