బాలీవుడ్ స్టార్ హీరోలపై సంచలన వ్యాఖ్యలు చేసిన కంగనా రనౌత్

వివాదాలతో సావాసం చేసే ప్రముఖ నటి కంగనా రనౌత్ బాలీవుడ్ స్టార్ హీరోలపై మరోసారి సంచలన వ్యాఖ్యలు చేసింది. పారితోషికం, వయసు అంతరాలు, అఫైర్లపై గతంలో సంచలన ఆరోపణలు చేసిన కంగనా, ఈ సారి వారి కుటుంబ నిర్ణయాలపై మండిపడింది. పదిహేనేళ్ల అమ్మాయితో గంతులేసే హీరోలు.. తమ కూతుళ్లు బికినీలు వేస్తే కాళ్లు విరగ్గొడతామని వార్నింగులు ఇస్తుంటారని ఎద్దేవా చేసింది.

అలాగే తమ కొడుకులను హీరోలుగా నిలబెట్టేందుకు పడరాని పాట్లుపడే హీరోలు, తమ కూతుళ్లను హీరోయిన్లను చేయాలంటే పదిసార్లు ఆలోచిస్తారని ఎద్దేవా చేసింది. అయితే అందరు హీరోలు అలా లేరని తెలిపింది. తన కుమార్తె బికినీ వేస్తే కాళ్లు విరగ్గొడతానని షారూఖ్ పేర్కొనగా, తన కుమార్తె సినిమాల్లో నటిస్తానంటే కాళ్లు విరగ్గొట్టి మూలన కూర్చోబెడతానని సంజయ్ దత్ పేర్కొన్న సంగతి తెలిసిందే. ఈ నేపథ్యంలో కంగన చేసిన వ్యాఖ్యలు కలకలం రేపుతున్నాయి.