విక్రమ్ కి ఈ ఏడాదైనా కలిసొస్తుందా!

కోలీవుడ్ లో ప్రయోగాత్మక పాత్రలకు ప్రాధాన్యతనిచ్చే సీనియర్ కథానాయకులలో కమల్ తరువాత స్థానంలో విక్రమ్ కనిపిస్తాడు. తెరపై ఎప్పటికప్పుడు కొత్తగా కనిపించడానికి ఇష్టపడే విక్రమ్ కి, ఈ మధ్య కాలంలో విజయాలు కరువయ్యాయి. 2015 నుంచి ఇప్పటి వరకూ ఆయన హిట్ కొట్టలేకపోయాడు. దాంతో 'స్కెచ్' సినిమాతో ఈ సారి ఎలాగైనా హిట్ కొట్టాలనే గట్టి పట్టుదలతో విక్రమ్ వున్నట్టుగా తెలుస్తోంది.

 విజయ్ చందర్ దర్శకత్వం వహించిన ఈ సినిమాలో విక్రమ్ సరసన తమన్నా నటించింది. వచ్చే నెలలో ఈ సినిమాను భారీస్థాయిలో విడుదల చేయనున్నారు. ఇది కూడా సక్సెస్ ను ఇవ్వకపోతే, ఈ ఏడాది కూడా ఆయన అభిమానులకు నిరాశనే మిగిల్చినట్టు అవుతుంది. అందువల్లనే ప్రమోషన్స్ కొత్తగా ఉండేలా విక్రమ్ ప్లాన్ చేస్తున్నాడని అంటున్నారు. ఆయన ప్లాన్ ఎంతవరకూ వర్కౌట్ అవుతుందో చూడాలి మరి.