250 కోట్ల రూపాయల విలువైన పింక్ వజ్రం కేసులో భారత సంతతికి చెందిన నలుగురు ఆఫ్రికన్ వ్యాపారులకు ఇంటర్‌ పోల్‌ రెడ్‌ కార్నర్ నోటీసులు జారీ చేసింది. ఈ నోటీసుల ప్రకారం భారత్ తో సన్నిహిత సంబంధాలు, ఒప్పందాలు ఉన్న దేశాల్లో నోటీసులో పేర్కొన్న వ్యక్తులు ఉంటే వారిని భారత్ కు అప్పగించాల్సి ఉంటుంది. 250 కోట్ల రూపాయల విలువైన పింక్ వజ్రం చోరీకి గురైంది. ఈ కేసును ఛేదించడం ప్రపంచ దేశాల పోలీసులకు సవాల్‌ గా మారింది. భారత సంతతికి చెందిన ఆఫ్రికన్లు జునైద్‌ మోతీ, అబ్బాస్‌ అబూబకర్‌ మోతీ, అష్రఫ్‌ కాకా, సలీం బొబట్‌ లు ఈ కేసులో నిందితులని పేర్కొంటూ రెడ్‌ కార్నర్ నోటీసులను ఇంటర్‌ పోల్ జారీ చేసినట్టు స్పష్టం చేసింది. అయితే ఈ నోటీసులను నిలిపివేయాలంటూ ప్రిటోరియా హైకోర్టును నిందితులు కోరారు.