రాంచీలోని జేఎస్‌సీఏ స్టేడియంలో భార‌త్‌తో జ‌రుగుతున్న‌ మూడో వ‌న్డే మ్యాచ్‌లో ఆస్ట్రేలియా నాలుగు వికెట్లు కోల్పోయింది. ఓపెన‌ర్లు వార్న‌ర్ (19), రెన్షా(44) అవుట‌యిన అనంత‌రం క్రీజులోకి వ‌చ్చిన స్మిత్ మాత్ర‌మే నిలుదొక్కుకొని అర్ధ‌శ‌త‌కం చేసి స్కోరు బోర్డుని క‌దిలిస్తున్నాడు. మార్ష్ 2 ప‌రుగుల వ్య‌క్తిగ‌త స్కోరు వ‌ద్ద అవుట్ కాగా, హెచ్‌.కాంబ్ కూడా 19 ప‌రుగుల‌కే వెనుదిరిగాడు. అనంత‌రం క్రీజులోకి మ్యాక్స్ వెల్ వ‌చ్చాడు. ప్ర‌స్తుతం స్మిత్ 58, మాక్స్ వెల్ 3 ప‌రుగుల‌తో క్రీజులో ఉన్నారు. ఆస్ట్రేలియా నాలుగువికెట్ల న‌ష్టానికి 151 (45 ఓవ‌ర్లకి) ప‌రుగులు చేసింది. టీమిండియా బౌల‌ర్ల‌లో అశ్విన్, జ‌డేజాల‌కి చెరో వికెట్ ద‌క్కగా, ఉమేష్ కి రెండు వికెట్లు ద‌క్కాయి.