కాటమరాయుడి సెట్ లో పవన్ కల్యాణ్ తో సెల్ఫీలు దిగిన బండ్ల గణేష్

27-02-2017 Mon 20:53 Entertainment

సినీన‌టుడు పవన్ కల్యాణ్‌ని నిర్మాత‌, న‌టుడు బండ్ల గణేశ్ ఎంత‌గా అభిమానిస్తాడో అంద‌రికీ తెలిసిందే. ప‌లు వేదిక‌ల‌పై పవన్ క‌ల్యాణ్‌ని ఆయ‌న దేవుడితోనూ పోల్చారు. ప్ర‌స్తుతం ప‌వ‌న్‌ కాటమరాయుడు షూటింగ్‌లో బిజీబిజీగా ఉన్నాడు. ఈ సంద‌ర్భంగా ఆ సినిమా సెట్‌కి వెళ్లిన బండ్ల గణేష్‌ పవన్ క‌ల్యాణ్‌తో ఫొటోలు దిగాడు. ఈ సంద‌ర్భంగా ప‌వ‌న్ క‌ల్యాణే స్వ‌యంగా సెల్ఫీ తీశాడు. దీంతో గణేశ్ త‌న ఆనందాన్ని సోష‌ల్ మీడియాలో పంచుకున్నాడు. బాస్‌తో ఫొటో దిగాన‌ని పేర్కొన్నాడు. ఇక ప‌వ‌న్ క‌ల్యాణ్ ఫ్యాన్స్ ఈ పోస్టుకి ‘దేవుడితో భక్తుడు సెల్ఫీ’ అని పేరుపెట్టేశారు.