ఆంధ్రప్రదేశ్ లో నేడు పరామర్శలు వెల్లువెత్తనున్నాయి. నెల్లూరు జిల్లాలో బాణసంచా పేలుడులో మరణించిన వారి కుటుంబాలను, గాయపడ్డ వారిని వైకాపా అధినేత, విపక్ష నాయకుడు వైఎస్ జగన్ పరామర్శించనుండగా, శ్రీకాకుళం జిల్లా ఉద్దానంలో జనసేన అధినేత పవన్ కల్యాణ్ పర్యటించనున్నారు. ఈ ఉదయం కిడ్నీ బాధితులను ఆయన పరామర్శిస్తారు. గత 20 సంవత్సరాల వ్యవధిలో ఉద్దానం, కవిటి, ఇచ్చాపురం ప్రాంతాల్లో కిడ్నీ రోగాలతో దాదాపు 20 వేల మంది మరణించిన సంగతి తెలిసిందే. బాధితుల పరామర్శ అనంతరం ఇచ్చాపురంలో జనసేన సమావేశం జరగనుంది. ఈ సమావేశంలో కిడ్నీ బాధితుల సమస్యలపై పవన్ ప్రసంగించనున్నారు.