తెలంగాణ మంత్రి, టీడీపీ ఎమ్మెల్యే తలసాని శ్రీనివాస్ యాదవ్ విషయంలో గవర్నర్ నరసింహన్ చాలా సీరియస్ గా ఉన్నారట. ఎమ్మెల్యే పదవికి తలసాని రాజీనామా చేసినప్పటికీ, దాన్ని ఇంకా ఎంత కాలం పెండింగులో పెడతారంటూ స్పీకర్ మధుసూదనాచారిని గవర్నర్ ప్రశ్నించారట. ఈ వ్యవహారంలో స్పీకర్ నిర్ణయం తీసుకోలేకపోతే... తలసానిని బర్తరఫ్ చేయాలని ముఖ్యమంత్రి కేసీఆర్ ను కోరతానని గవర్నర్ అన్నట్టు సమాచారం. తలసాని అంశంపై రాష్ట్రపతితో బాటు, కేంద్ర హోంశాఖ కూడా గవర్నర్ ను ప్రశ్నించిందట. దీంతో, ఈ విషయంలో గవర్నర్ సీరియస్ గానే ఉన్నట్టు తెలుస్తోంది.
