విండోస్ ఆధారిత స్మార్ట్ ఫోన్ లుమియా 430ని మైక్రోసాఫ్ట్ త్వరలో మార్కెట్లోకి తీసుకురానుంది. బ్రాండెడ్ స్మార్ట్ ఫోన్ సెగ్మెంట్లో ఇది బాగా చవక. దీని ధర 70 డాలర్లు (రూ.4300) మాత్రమేనట. 127 గ్రాముల బరువున్న ఈ డ్యూయల్ సిమ్ ఫోన్ విండోస్ 8.1 ఆపరేటింగ్ సిస్టమ్ పై పనిచేస్తుంది. 4 అంగుళాల టచ్ స్క్రీన్, 8 జీబీ ఇంటర్నల్ మెమరీ, 1.2 గిగాహెర్జ్ డ్యూయల్ కోర్ స్నాప్ డ్రాగన్ ప్రాసెసర్ కలిగి ఉన్న ఈ ఫోన్ లో 1500 ఎంఏహెచ్ బ్యాటరీ పొందుపరిచారు. అయితే, కెమెరా విషయంలోనే కాస్తంత నిరాశ తప్పదు. ఎందుకంటే, కేవలం 2 మెగాపిక్సెల్ మెయిన్ కెమెరా, 0.3 మెగాపిక్సెల్ ఫ్రంట్ కెమెరా మాత్రమే దీంట్లో ఉన్నాయి. కానీ, మిగతా ఫీచర్స్, తక్కువ ధర దృష్ట్యా ఇది పరిగణనలోకి తీసుకోదగ్గ ఫోనే అని టెక్ నిపుణులు అభిప్రాయపడుతున్నారు.