ఎన్టీఆర్ పేరుపై పార్లమెంటులో ఆందోళన చేస్తాం: వీహెచ్

శంషాబాద్ విమానాశ్రయానికి ఎన్టీఆర్ పేరు పెట్టడంపై రాజ్యసభలో ఆందోళన చేస్తామని తెలంగాణ కాంగ్రెస్ నేత వీహెచ్ తెలిపారు. ఢిల్లీలో ఆయన మాట్లాడుతూ, కావాలంటే బేగంపేట ఎయిర్ పోర్టుకు ఎన్టీఆర్ పేరు పెట్టుకోవాలని, శంషాబాద్ విమానాశ్రయానికి మాత్రం రాజీవ్ గాంధీ పేరునే ఉంచాలని అన్నారు. చంద్రబాబు చేసిన అవమానం వల్లే ఎన్టీఆర్ మరణించారని ఆయన గుర్తుచేశారు. ఎన్టీఆర్ మరణంపై మరోసారి విచారణ చేపట్టాలని కేసీఆర్ కు లేఖ రాస్తానని వీహెచ్ హెచ్చరించారు. ఎన్టీఆర్ విగ్రహాన్ని పార్లమెంటులో పెట్టించింది కాంగ్రెస్ పార్టీయేనని ఆయన వివరించారు. టీడీపీ నేతలు ఇప్పుడు ఎన్టీఆర్ పై లేనిపోని ప్రేమాభిమానాలు కురిపిస్తున్నారని వీహెచ్ ఎద్దేవా చేశారు.