మధ్య తరగతి ప్రజల్లో ఎంతో గుర్తింపు ఉన్న కిసాన్ వికాస పత్రాలను మరోసారి అందుబాటులోకి తీసుకురావాలని కేంద్ర ప్రభుత్వం నిర్ణయించింది. మంగళవారం నాడు ఆర్థిక మంత్రి అరుణ్ జైట్లీ కిసాన్ వికాస పత్రాలను పునరావిష్కరించనున్నారు. ఇవి 1000, 5 వేలు, 10 వేలు, 50 వేల రూపాయల విభాగాల్లో లభిస్తాయని ఆర్థిక శాఖ ప్రకటించింది. ఈ పత్రాల్లో పెట్టుబడికి గరిష్ఠ పరిమితి అంటూ ఏమీ ఉండదు. 8 సంవత్సరాలా 4 నెలల్లో... పెట్టిన పెట్టుబడి రెట్టింపు అవుతుంది. పన్ను రాయితీలు వర్తిస్తాయి. ప్రస్తుతానికి పోస్టాఫీసుల ద్వారా వీటిని విక్రయించనున్నట్టు ఆర్థిక శాఖ ఒక ప్రకటనలో తెలిపింది. కాగా తొలుత ఈ పత్రాలను 1988 ఏప్రిల్ లో విడుదల చేశారు. అప్పట్లో 5 సంవత్సరాల 5 నెలల్లో పెట్టుబడి రెట్టింపు అయ్యేట్టు విధివిధానాలను నిర్ణయించారు. నవంబర్ 2011లో స్కీంను వెనక్కు తీసుకుంటున్నట్టు ప్రభుత్వం తెలిపింది.