గెయిల్ పై పలు సెక్షన్ల కింద కేసు నమోదు

తూర్పుగోదావరి జిల్లా మామిడికుదురు మండలం నగరం గ్రామంలో గెయిల్ గ్యాస్ పైప్ లైన్ పేలుడు ఘటనలో ఇప్పటి వరకు 19 మంది మృతి చెందిన సంగతి తెలిసిందే. ఈ దారుణ ఘటనకు కారణమైన గెయిల్ సంస్థపై ఈ రోజు పలు సెక్షన్ల కింద కేసు నమోదయింది. 304ఏ, 286, 338, 337 సెక్షన్ల కింద కేసు బుక్ చేశారు. మాలమహానాడు నేత రత్నాకర్, స్థానిక వీఆర్వో ఫిర్యాదు మేరకు నగరం పోలీసులు కేసు నమోదు చేశారు.