తెలంగాణ రాష్ట్రాభివృద్ధికి కేంద్రం సహకరించాలి: ప్రధానిని కోరిన కేసీఆర్
ప్రధాని నరేంద్ర మోడీతో తెలంగాణ ముఖ్యమంత్రి కేసీఆర్ సమావేశం కొద్దిసేపటి క్రితమే ముగిసింది. ఈ సందర్భంగా ప్రధానికి కేసీఆర్ వినతి పత్రాన్ని సమర్పించారు. తెలంగాణ రాష్ట్రాభివృద్ధికి కేంద్రం సహకరించాలని ఆయన కోరారు. తెలంగాణలో గిరిజన యూనివర్శిటీ ఏర్పాటు, ప్రాణహిత- చేవెళ్ల ప్రాజెక్టుకు జాతీయ హోదా, పరిశ్రమలకు పన్ను రాయితీనివ్వాలని ప్రధానిని కేసీఆర్ కోరారు. మూసీనది ప్రక్షాళనకు కేంద్రం నిధులివ్వాలని ప్రధానికి ఆయన విన్నవించారు. మరికాసేపట్లో కేసీఆర్ రాష్ట్రపతి ప్రణబ్ ముఖర్జీతో సమావేశమవుతున్నారు. టీఆర్ఎస్ ఎంపీలతో కలిసి ఆయన రాష్ట్రపతిని కలవనున్నారు.
