లిఫ్టు రాకుండా తొందరపడి.. ఆసుపత్రి పాలైన తల్లీబిడ్డలు

ఒక్క క్షణంలో పడే తొందర కొందరి ప్రాణాల మీదకు తెస్తుంది. తాజాగా అలాంటి ఘటనే హైదరాబాద్ చైతన్యపురి పోలీస్ స్టేషన్ పరిధిలోని కొత్తపేటలో చోటు చేసుకుంది. గాయత్రీ అపార్ట్ మెంట్స్ లో పని చేస్తున్న లక్ష్మి తన మూడేళ్ల కుమార్తెతో కలిసి లిఫ్టును సరిగా చూసుకోకుండా.. ముందే తలుపుతీసి లిఫ్టు ఎక్కేస్తున్నాననుకుని క్రింద పడిపోయింది. దీంతో తల్లీ బిడ్డలకు తీవ్రగాయాలయ్యాయి. వీరిని హుటాహుటిన ఆసుపత్రికి తరలించారు.