నేటి నుంచి తెలంగాణలో పదో తరగతి పరీక్షలు.. హాజరుకానున్న 5 లక్షల మంది విద్యార్థులు
- ఈసారి 33 రోజుల పాటు సుదీర్ఘంగా పరీక్షల నిర్వహణ
- పరీక్షలకు పకడ్బందీ ఏర్పాట్లు చేసిన విద్యాశాఖ
- విద్యార్థులకు శుభాకాంక్షలు తెలిపిన గవర్నర్ శివ ప్రతాప్ శుక్లా
తెలంగాణలో పదో తరగతి (ఎస్ఎస్సీ) పబ్లిక్ పరీక్షల సందడి నేటి(శనివారం) నుంచి ప్రారంభం కానుంది. రాష్ట్రవ్యాప్తంగా 5లక్షల 28 వేల మందికి పైగా విద్యార్థులు ఈ పరీక్షలకు హాజరుకానున్నారు. ఇందుకోసం 2,676 పరీక్ష కేంద్రాలను ఏర్పాటు చేసినట్లు పాఠశాల విద్యాశాఖ వెల్లడించింది.
ఏప్రిల్ 16 వరకు ఈ పరీక్షలు కొనసాగుతాయి. ఉదయం 9:30 గంటలకు పరీక్ష ప్రారంభం కానుండగా, విద్యార్థులు ఉదయం 8:30 గంటలకల్లా కేంద్రాలకు చేరుకోవాలని సెకండరీ ఎడ్యుకేషన్ బోర్డు సూచించింది. ఆలస్యంగా వచ్చేవారికి ఐదు నిమిషాల గ్రేస్ పీరియడ్ ఉంటుందని తెలిపింది. హాల్ టికెట్లను ఇప్పటికే పాఠశాలలకు పంపించామని, అధికారిక వెబ్సైట్ నుంచి కూడా డౌన్లోడ్ చేసుకోవచ్చని అధికారులు తెలిపారు. పరీక్షల్లో అక్రమాలను అరికట్టేందుకు 144 ఫ్లయింగ్ స్క్వాడ్లను రంగంలోకి దించుతున్నారు. మొబైల్ ఫోన్లు, స్మార్ట్ వాచ్లు వంటి ఎలక్ట్రానిక్ పరికరాలను కేంద్రాల్లోకి అనుమతించరు.
ఈసారి పరీక్షలను సుదీర్ఘంగా 33 రోజుల పాటు నిర్వహించడం చర్చనీయాంశంగా మారింది. సాధారణంగా 10-12 రోజుల్లో ముగిసే పరీక్షలను ఈసారి సీబీఎస్ఈ తరహాలో పేపర్ల మధ్య ఎక్కువ రోజుల విరామం ఇచ్చారు. విద్యార్థులపై ఒత్తిడి తగ్గించి, మెరుగైన ఫలితాలు సాధించాలనే లక్ష్యంతో ఈ షెడ్యూల్ రూపొందించామని విద్యాశాఖ చెబుతుండగా, ఇది అశాస్త్రీయమని విద్యార్థి సంఘాలు, పాఠశాలల యాజమాన్యాలు ఆందోళన వ్యక్తం చేస్తున్నాయి.
ఈ సందర్భంగా తెలంగాణ గవర్నర్ శివ ప్రతాప్ శుక్లా పదో తరగతి విద్యార్థులకు శుభాకాంక్షలు తెలిపారు. పరీక్షలను ఒత్తిడిగా కాకుండా, నేర్చుకున్నదాన్ని వ్యక్తీకరించే అవకాశంగా భావించాలని సూచించారు. ఆత్మవిశ్వాసంతో, ప్రశాంతంగా పరీక్షలు రాయాలని కోరారు. పలు రాజకీయ పార్టీల నేతలు కూడా విద్యార్థులకు శుభాకాంక్షలు తెలియజేశారు.
ఏప్రిల్ 16 వరకు ఈ పరీక్షలు కొనసాగుతాయి. ఉదయం 9:30 గంటలకు పరీక్ష ప్రారంభం కానుండగా, విద్యార్థులు ఉదయం 8:30 గంటలకల్లా కేంద్రాలకు చేరుకోవాలని సెకండరీ ఎడ్యుకేషన్ బోర్డు సూచించింది. ఆలస్యంగా వచ్చేవారికి ఐదు నిమిషాల గ్రేస్ పీరియడ్ ఉంటుందని తెలిపింది. హాల్ టికెట్లను ఇప్పటికే పాఠశాలలకు పంపించామని, అధికారిక వెబ్సైట్ నుంచి కూడా డౌన్లోడ్ చేసుకోవచ్చని అధికారులు తెలిపారు. పరీక్షల్లో అక్రమాలను అరికట్టేందుకు 144 ఫ్లయింగ్ స్క్వాడ్లను రంగంలోకి దించుతున్నారు. మొబైల్ ఫోన్లు, స్మార్ట్ వాచ్లు వంటి ఎలక్ట్రానిక్ పరికరాలను కేంద్రాల్లోకి అనుమతించరు.
ఈసారి పరీక్షలను సుదీర్ఘంగా 33 రోజుల పాటు నిర్వహించడం చర్చనీయాంశంగా మారింది. సాధారణంగా 10-12 రోజుల్లో ముగిసే పరీక్షలను ఈసారి సీబీఎస్ఈ తరహాలో పేపర్ల మధ్య ఎక్కువ రోజుల విరామం ఇచ్చారు. విద్యార్థులపై ఒత్తిడి తగ్గించి, మెరుగైన ఫలితాలు సాధించాలనే లక్ష్యంతో ఈ షెడ్యూల్ రూపొందించామని విద్యాశాఖ చెబుతుండగా, ఇది అశాస్త్రీయమని విద్యార్థి సంఘాలు, పాఠశాలల యాజమాన్యాలు ఆందోళన వ్యక్తం చేస్తున్నాయి.
ఈ సందర్భంగా తెలంగాణ గవర్నర్ శివ ప్రతాప్ శుక్లా పదో తరగతి విద్యార్థులకు శుభాకాంక్షలు తెలిపారు. పరీక్షలను ఒత్తిడిగా కాకుండా, నేర్చుకున్నదాన్ని వ్యక్తీకరించే అవకాశంగా భావించాలని సూచించారు. ఆత్మవిశ్వాసంతో, ప్రశాంతంగా పరీక్షలు రాయాలని కోరారు. పలు రాజకీయ పార్టీల నేతలు కూడా విద్యార్థులకు శుభాకాంక్షలు తెలియజేశారు.
