Mojtaba Khamenei: ఇరాన్ కొత్త అధినేత కోమాలో ఉన్నారా?.. ఆరోగ్యంపై తీవ్ర సస్పెన్స్
- ఇరాన్ కొత్త సుప్రీం లీడర్ మోజ్తబా ఆరోగ్యంపై సస్పెన్స్
- అమెరికా-ఇజ్రాయెల్ దాడుల్లో తీవ్రంగా గాయపడి కోమాలో ఉన్నట్లు ప్రచారం
- ఆయన బతికే ఉన్నా పరిస్థితి బాగాలేదన్న డొనాల్డ్ ట్రంప్
- గాయపడిన విషయాన్ని పరోక్షంగా ధ్రువీకరించిన ఇరాన్ రాయబారి
- అధినేత పేరుతో ప్రభుత్వ టీవీలో హెచ్చరికల ప్రకటన
ఇరాన్ కొత్త సుప్రీం లీడర్ ఆయతుల్లా మోజ్తబా ఖమేనీ ఆరోగ్య పరిస్థితిపై తీవ్ర సస్పెన్స్ కొనసాగుతోంది. తన తండ్రి అలీ ఖమేనీ మరణానికి కారణమైన అమెరికా-ఇజ్రాయెల్ దాడుల్లో మోజ్తబా కూడా తీవ్రంగా గాయపడి కోమాలో ఉన్నారని ప్రచారం జరుగుతోంది. ఈ వార్తలపై స్పందించిన అమెరికా అధ్యక్షుడు డొనాల్డ్ ట్రంప్, "ఆయన బహుశా బతికే ఉండొచ్చు. కానీ ఆయన పరిస్థితి ఏమాత్రం బాగాలేదు" అని వ్యాఖ్యానించారు.
బ్రిటన్కు చెందిన 'ది సన్' పత్రిక కథనం ప్రకారం 56 ఏళ్ల మోజ్తబా పరిస్థితి విషమంగా ఉంది. దాడుల్లో ఆయన ఒకటి లేదా రెండు కాళ్లు కోల్పోయారని, కాలేయం వంటి అంతర్గత అవయవాలు తీవ్రంగా దెబ్బతిన్నాయని తెలుస్తోంది. ప్రస్తుతం టెహ్రాన్లోని సినా యూనివర్సిటీ ఆసుపత్రిలో అత్యంత కట్టుదిట్టమైన భద్రత మధ్య ఆయనకు చికిత్స అందిస్తున్నారని, ఆయన కోమాలో ఉన్నారని సమాచారం.
మోజ్తబా గాయపడిన విషయాన్ని ఇరాన్ వర్గాలు కూడా పరోక్షంగా అంగీకరిస్తున్నాయి. సైప్రస్లోని ఇరాన్ రాయబారి అలీరెజా సలారియన్ మాట్లాడుతూ, "ఆయన కాళ్లు, చేతులకు గాయాలయ్యాయి. అందుకే ప్రస్తుతం ప్రజల ముందుకు వచ్చి ప్రసంగించే స్థితిలో లేరు" అని తెలిపారు. సుప్రీం లీడర్గా బాధ్యతలు చేపట్టిన తర్వాత ఆయన ఒక్కసారి కూడా ప్రజల ముందుకు రాకపోవడం ఈ అనుమానాలకు బలం చేకూరుస్తోంది.
అయితే, ఇరాన్ ప్రభుత్వ టెలివిజన్ మోజ్తబా పేరుతో ఒక హెచ్చరిక ప్రకటనను విడుదల చేసింది. పశ్చిమాసియాలోని అమెరికా సైనిక స్థావరాలను వెంటనే మూసివేయాలని, లేదంటే తీవ్ర పరిణామాలు తప్పవని ఆ ప్రకటనలో హెచ్చరించారు. సాధారణంగా ఇరాన్లో కొత్త సుప్రీం లీడర్ బాధ్యతలు చేపట్టగానే దేశ ప్రజలను ఉద్దేశించి ప్రసంగిస్తారు. కానీ మోజ్తబా అలా చేయకపోవడం ఆయన ఆరోగ్య పరిస్థితి అత్యంత ఆందోళనకరంగా ఉందనడానికి నిదర్శనమని విశ్లేషకులు భావిస్తున్నారు.
బ్రిటన్కు చెందిన 'ది సన్' పత్రిక కథనం ప్రకారం 56 ఏళ్ల మోజ్తబా పరిస్థితి విషమంగా ఉంది. దాడుల్లో ఆయన ఒకటి లేదా రెండు కాళ్లు కోల్పోయారని, కాలేయం వంటి అంతర్గత అవయవాలు తీవ్రంగా దెబ్బతిన్నాయని తెలుస్తోంది. ప్రస్తుతం టెహ్రాన్లోని సినా యూనివర్సిటీ ఆసుపత్రిలో అత్యంత కట్టుదిట్టమైన భద్రత మధ్య ఆయనకు చికిత్స అందిస్తున్నారని, ఆయన కోమాలో ఉన్నారని సమాచారం.
మోజ్తబా గాయపడిన విషయాన్ని ఇరాన్ వర్గాలు కూడా పరోక్షంగా అంగీకరిస్తున్నాయి. సైప్రస్లోని ఇరాన్ రాయబారి అలీరెజా సలారియన్ మాట్లాడుతూ, "ఆయన కాళ్లు, చేతులకు గాయాలయ్యాయి. అందుకే ప్రస్తుతం ప్రజల ముందుకు వచ్చి ప్రసంగించే స్థితిలో లేరు" అని తెలిపారు. సుప్రీం లీడర్గా బాధ్యతలు చేపట్టిన తర్వాత ఆయన ఒక్కసారి కూడా ప్రజల ముందుకు రాకపోవడం ఈ అనుమానాలకు బలం చేకూరుస్తోంది.
అయితే, ఇరాన్ ప్రభుత్వ టెలివిజన్ మోజ్తబా పేరుతో ఒక హెచ్చరిక ప్రకటనను విడుదల చేసింది. పశ్చిమాసియాలోని అమెరికా సైనిక స్థావరాలను వెంటనే మూసివేయాలని, లేదంటే తీవ్ర పరిణామాలు తప్పవని ఆ ప్రకటనలో హెచ్చరించారు. సాధారణంగా ఇరాన్లో కొత్త సుప్రీం లీడర్ బాధ్యతలు చేపట్టగానే దేశ ప్రజలను ఉద్దేశించి ప్రసంగిస్తారు. కానీ మోజ్తబా అలా చేయకపోవడం ఆయన ఆరోగ్య పరిస్థితి అత్యంత ఆందోళనకరంగా ఉందనడానికి నిదర్శనమని విశ్లేషకులు భావిస్తున్నారు.
