Green Card: అమెరికా గ్రీన్ కార్డ్: ఇక కేవలం పెళ్లి చేసుకుంటే సరిపోదు.. కలిసి ఉండాల్సిందే!
- అమెరికన్లను వివాహం చేసుకున్నంత మాత్రాన గ్రీన్ కార్డ్ గ్యారెంటీ కాదన్న ఇమ్మిగ్రేషన్ నిపుణులు
- దంపతులు ఒకే ఇంట్లో నివసిస్తేనే ఆ వివాహాన్ని 'వాస్తవమైనది'గా గుర్తిస్తామన్న అధికారులు
- గ్రీన్ కార్డ్ ప్రక్రియపై పర్యవేక్షణ పెంపు.. ఇప్పటికే డివర్సిటీ వీసా లాటరీ రద్దు
అమెరికాలో శాశ్వత నివాసానికి అనుమతినిచ్చే 'గ్రీన్ కార్డ్' పొందడం ఇప్పుడు మరింత కష్టంగా మారింది. గతంలో అమెరికన్ పౌరులను వివాహం చేసుకోవడం ద్వారా సులభంగా గ్రీన్ కార్డ్ పొందే అవకాశం ఉండేది. అయితే, ప్రస్తుత డొనాల్డ్ ట్రంప్ పరిపాలనలో ఈ నిబంధనలను కఠినతరం చేశారు. కేవలం కాగితాల మీద పెళ్లి జరిగితే సరిపోదని, భార్యాభర్తలు ఇద్దరూ ఒకే ఇంట్లో నివసిస్తేనే గ్రీన్ కార్డ్ దరఖాస్తులను పరిగణనలోకి తీసుకుంటామని అధికారులు స్పష్టం చేస్తున్నారు.
ప్రముఖ ఇమ్మిగ్రేషన్ న్యాయవాది బ్రాడ్ బెర్న్స్టెయిన్ ఈ మార్పులపై స్పందిస్తూ "మీరు కేవలం బంధంలో ఉన్నంత మాత్రాన గ్రీన్ కార్డ్ రాదు, కలిసి నివసిస్తేనే వస్తుంది" అని తెలిపారు. ఉద్యోగం, చదువు లేదా ఇతర వ్యక్తిగత కారణాలతో దంపతులు వేర్వేరు ఇళ్లలో నివసిస్తే అమెరికా పౌరసత్వ, వలస సేవల విభాగం ఆ దరఖాస్తులను తిరస్కరించే అవకాశం ఉంది. కేవలం ఇమ్మిగ్రేషన్ ప్రయోజనాల కోసమే పెళ్లి చేసుకున్నారా? అనే కోణంలో అధికారులు లోతైన విచారణ జరుపుతున్నారు.
ఇటీవల అమెరికాలో జరిగిన కొన్ని హింసాత్మక ఘటనల్లో గ్రీన్ కార్డ్ హోల్డర్ల ప్రమేయం ఉండటంతో ట్రంప్ ప్రభుత్వం కీలక నిర్ణయాలు తీసుకుంది. గతంలో 'ఆందోళనకర దేశాలు'గా గుర్తించిన 19 దేశాలకు చెందిన శాశ్వత నివాసితుల గ్రీన్ కార్డ్లను సమగ్రంగా సమీక్షించాలని అధ్యక్షుడు ఆదేశించారు. దీనితో పాటు, గ్రీన్ కార్డ్ దరఖాస్తుదారుల పని అనుమతి కాలాన్ని 18 నెలలకు కుదించారు. ఇప్పటికే ఏటా 50 వేల మందికి వీసాలు ఇచ్చే 'డివర్సిటీ వీసా లాటరీ' ప్రోగ్రామ్ను కూడా ప్రభుత్వం నిలిపివేసింది.
దంపతులు ఒకే చిరునామాలో ఉన్నారా? లేదా? అనే అంశంపైనే కాకుండా, వారి మధ్య ఉన్న బంధం ఎంతవరకు నిజాయతీతో కూడుకున్నదనేది కూడా అధికారులు అంచనా వేస్తారు. ఇంటి తలుపు తట్టి మరీ విచారణ చేసే అవకాశాలు ఉన్నాయని, కాబట్టి విడిగా ఉండే దంపతులు దరఖాస్తు చేసే ముందే న్యాయ సలహా తీసుకోవాలని నిపుణులు సూచిస్తున్నారు.
ప్రముఖ ఇమ్మిగ్రేషన్ న్యాయవాది బ్రాడ్ బెర్న్స్టెయిన్ ఈ మార్పులపై స్పందిస్తూ "మీరు కేవలం బంధంలో ఉన్నంత మాత్రాన గ్రీన్ కార్డ్ రాదు, కలిసి నివసిస్తేనే వస్తుంది" అని తెలిపారు. ఉద్యోగం, చదువు లేదా ఇతర వ్యక్తిగత కారణాలతో దంపతులు వేర్వేరు ఇళ్లలో నివసిస్తే అమెరికా పౌరసత్వ, వలస సేవల విభాగం ఆ దరఖాస్తులను తిరస్కరించే అవకాశం ఉంది. కేవలం ఇమ్మిగ్రేషన్ ప్రయోజనాల కోసమే పెళ్లి చేసుకున్నారా? అనే కోణంలో అధికారులు లోతైన విచారణ జరుపుతున్నారు.
ఇటీవల అమెరికాలో జరిగిన కొన్ని హింసాత్మక ఘటనల్లో గ్రీన్ కార్డ్ హోల్డర్ల ప్రమేయం ఉండటంతో ట్రంప్ ప్రభుత్వం కీలక నిర్ణయాలు తీసుకుంది. గతంలో 'ఆందోళనకర దేశాలు'గా గుర్తించిన 19 దేశాలకు చెందిన శాశ్వత నివాసితుల గ్రీన్ కార్డ్లను సమగ్రంగా సమీక్షించాలని అధ్యక్షుడు ఆదేశించారు. దీనితో పాటు, గ్రీన్ కార్డ్ దరఖాస్తుదారుల పని అనుమతి కాలాన్ని 18 నెలలకు కుదించారు. ఇప్పటికే ఏటా 50 వేల మందికి వీసాలు ఇచ్చే 'డివర్సిటీ వీసా లాటరీ' ప్రోగ్రామ్ను కూడా ప్రభుత్వం నిలిపివేసింది.
దంపతులు ఒకే చిరునామాలో ఉన్నారా? లేదా? అనే అంశంపైనే కాకుండా, వారి మధ్య ఉన్న బంధం ఎంతవరకు నిజాయతీతో కూడుకున్నదనేది కూడా అధికారులు అంచనా వేస్తారు. ఇంటి తలుపు తట్టి మరీ విచారణ చేసే అవకాశాలు ఉన్నాయని, కాబట్టి విడిగా ఉండే దంపతులు దరఖాస్తు చేసే ముందే న్యాయ సలహా తీసుకోవాలని నిపుణులు సూచిస్తున్నారు.
