ప్రచారంలో రాహుల్ గాంధీకి ఊహించని ప్రశ్న.. పెళ్లి గురించి అడిగిన బాలుడు!

బీహార్ ఎన్నికల ప్రచారంలో కాంగ్రెస్ అగ్రనేత రాహుల్ గాంధీకి ఒక ఊహించని ప్రశ్న ఎదురైంది. అది కూడా ఒక బాలుడి నుండి కావడం గమనార్హం. అరారీయాలో ఎన్నికల ప్రచారం నిర్వహిస్తున్న రాహుల్ గాంధీ వద్దకు ఒక బాలుడు రాగా, ఆయన ఆప్యాయంగా పలకరించి కాసేపు ముచ్చటించారు.

ఈ సమయంలో, "మీరు పెళ్లి ఎప్పుడు చేసుకుంటారు?" అని ఆ బాలుడు ప్రశ్నించగా, తన పని పూర్తయిన తర్వాత చేసుకుంటానని రాహుల్ గాంధీ సమాధానమిచ్చారు. అనంతరం ఆ బాలుడు మీడియాతో రాహుల్ గాంధీతో జరిగిన సంభాషణ వివరాలను వెల్లడించాడు.