నాగార్జునతో రొమాంటిక్ సీన్లో నటించే అవకాశం వస్తే చేస్తారా? .. అనే ప్రశ్నకు కస్తూరి సమాధానం ఇదే!
- నాగార్జునపై తనకున్న టీనేజ్ క్రష్ను బయటపెట్టిన నటి కస్తూరి
- షేక్ హ్యాండ్ ఇచ్చాక రెండు రోజులు చేయి కడుక్కోలేదని వెల్లడి
- నాగార్జున ఇప్పటికీ అదే యంగ్ లుక్తో ఉన్నారని ప్రశంస
ఆమె మాట్లాడుతూ, "నేను చదువుకునే రోజుల్లోనే నాగార్జున గారంటే విపరీతమైన ఇష్టం. ఒకసారి ఆయన్ను కలిసే అవకాశం వచ్చింది. ఆయన వేసుకున్న షర్ట్ కలర్ కూడా నాకు ఇంకా గుర్తుంది. ఆయనతో షేక్హ్యాండ్ చేశాక, ఆ చేయిని రెండు రోజుల పాటు కడగలేదు. ‘ఇది నాగార్జున టచ్ చేసిన చేయి’ అంటూ స్నేహితులకు చూపించి మురిసిపోయేదాన్ని" అని కస్తూరి నవ్వుతూ గుర్తుచేసుకున్నారు. ఆమె మాటలకు యాంకర్ కూడా ఆశ్చర్యపోయారు.
అనంతరం, "మా జనరేషన్కు ఆయన కేవలం హీరో మాత్రమే కాదు, ఓ పెద్ద క్రష్. ఇప్పటికీ ఆయనలో ఆ యంగ్ లుక్, చార్మ్ ఏమాత్రం తగ్గలేదు" అంటూ నాగార్జునను ఆకాశానికెత్తేశారు. ‘నాగార్జునతో రొమాంటిక్ సీన్లో నటించే అవకాశం వస్తే చేస్తారా?’ అని యాంకర్ అడగ్గా, "అది బెస్ట్ థింగ్. అలాంటి అవకాశం వస్తే వదులుకుంటానా? ఆయన చాలా ప్రొఫెషనల్, జెంటిల్మెన్. ఆయనతో నటించడం ఏ హీరోయిన్కైనా సౌకర్యంగా ఉంటుంది. నేను ఎప్పుడూ సిద్ధమే" అని స్పష్టం చేశారు.
ప్రస్తుతం కస్తూరి చేసిన ఈ వ్యాఖ్యలు సోషల్ మీడియాలో తెగ చక్కర్లు కొడుతున్నాయి. "కింగ్ నాగార్జున మ్యాజిక్ అంటే ఇదే. కస్తూరి ఫ్యాన్ మూమెంట్ అద్భుతం" అంటూ నెటిజన్లు, నాగార్జున అభిమానులు కామెంట్లు పెడుతున్నారు.
