వైసీపీ నేత కుమార్తె పెళ్లికి హాజరైన జగన్

వైసీపీ అధినేత జగన్ నేడు ఓ పెళ్లి వేడుకలో సందడి చేశారు. జగ్గయ్యపేట వైసీపీ ఇన్చార్జి తన్నీరు నాగేశ్వరరావు కుమార్తె వివాహానికి జగన్ హాజరయ్యారు. ఈ సందర్భంగా నూతన వధూవరులు సారూప్య, యశ్వంత్ రాజాకు తన ఆశీస్సులు అందజేశారు. వరుడు యశ్వంత్ రాజా మాజీ ఎమ్మెల్యే దేవినేని మల్లికార్జునరావు కుమారుడు. 

ఈ వివాహం విజయవాడలోని పోరంకి మురళీ రిసార్ట్స్ లో జరిగింది. జగన్ రాక సందర్భంగా పెళ్లి వేడుకలో భారీ కోలాహలం నెలకొంది. జగన్ ను కలిసేందుకు జనాలు పోటీలు పడ్డారు. అందరికీ చిరునవ్వుతో అభివాదం చేస్తూ జగన్ ముందుకు సాగారు.