Anand Mahindra: తనలాగే ఉన్న వ్యక్తిని చూసి ఆశ్చర్యపోయిన ఆనంద్ మహీంద్రా

మనిషిని పోలిన మనుషులు ఉండడం సహజమే. తాజాగా, ప్రముఖ వ్యాపారవేత్త ఆనంద్ మహీంద్రా అచ్చం తనలాగే ఉన్న వ్యక్తి ఫొటోని చూసి ఆశ్చర్యపోయారు. ఓ నెటిజన్ ఆనంద్ మహీంద్రాలా ఉన్న వ్యక్తి  ఫొటోను సోషల్ మీడియాలో పంచుకున్నారు. అతడు నా కొలీగ్ అని ఆ వ్యక్తి తెలిపారు. ఆ పోస్టుకు ఆనంద్ మహీంద్రాను ట్యాగ్ చేశారు. 

దీనిపై ఆనంద్ మహీంద్రా స్పందించారు. అంతేకాదు, తనదైన శైలిలో ఆ ఫొటోపై వ్యాఖ్యానించారు. "చూస్తుంటే మేం ఎప్పుడో విడిపోయినట్టున్నాం. బహుశా మా చిన్నతనంలో ఏదో తిరునాళ్లలో తప్పిపోయి ఉంటాం" అని చమత్కరించారు. కాగా, ఈ ఫొటోపై నెటిజన్లు కూడా తమకు తోచిన రీతిలో కామెంట్లు చేస్తున్నారు.