తిరుమల ఘాట్ రోడ్డులో వరుస ప్రమాదాలు... నేడు రెయిలింగ్ ను ఢీకొట్టిన కారు

ఇటీవల తిరుమల ఘాట్ రోడ్లు ప్రమాదాలకు నెలవుగా మారాయి. ఘాట్ రోడ్లపై గత కొన్ని రోజులుగా తరచుగా ప్రమాదాలు చోటుచేసుకుంటున్నాయి. ఇవాళ కూడా ఓ ప్రమాదం సంభవించింది. తిరుమల మొదటి ఘాట్ రోడ్డులో చివరి మలుపు వద్ద ఓ కారు రెయిలింగ్ ను ఢీకొట్టింది. కారులో ఎయిర్ బ్యాగ్స్ తెరుచుకోవడంతో ప్రాణనష్టం తప్పింది. కారులో ఉన్న వారు స్వల్ప గాయాలతో బయటపడ్డారు. వారిని తెలంగాణకు చెందిన భక్తులుగా గుర్తించారు. 

ఇటీవల తిరుమల ఘాట్ రోడ్లపై ఒక్కరోజే రెండు ప్రమాదాలు జరగడం తెలిసిందే. ఓ టెంపో వాహనం, ఓ కారు వేర్వేరు ఘటనల్లో ప్రమాదానికి గురికాగా, 13 మంది గాయాలపాలయ్యారు.