Kesineni Nani: పార్టీలతో సంబంధం లేదు.. ఎవరితోనైనా కలిసి పని చేస్తా: కేశినేని నాని

విజయవాడ ఎంపీ, టీడీపీ నేత కేశినేని నాని బుధవారం సంచలన వ్యాఖ్యలు చేశారు. వచ్చే ఎన్నికల్లో పోటీపై స్పందించారు. ఎంపీగా టీడీపీ ఏ పిట్టల దొరకు టిక్కెట్ ఇచ్చినా తనకు అభ్యంతరం లేదని, తాను ఇండిపెండెంట్ గా పోటీ చేసేందుకు కూడా సిద్ధంగా ఉన్నానని చెప్పారు. ప్రజలు తనను మరోసారి కోరుకుంటే గెలుస్తానని ధీమా వ్యక్తం చేశారు.

తన వ్యాఖ్యలను పార్టీ ఎలా తీసుకున్నా తనకు అభ్యంతరం లేదన్నారు. అభివృద్ధి విషయంలో తనకు పార్టీలతో సంబంధం లేదని, ఎవరితోనైనా కలిసి పని చేస్తానన్నారు. తన మనస్తత్వానికి సరిపోతుందనుకుంటే ఏ పార్టీ అయినా ఇబ్బంది లేదన్నారు.