Vishnu Vardhan Reddy: హీరో ప్రభాస్ అజాత శత్రువు: బీజేపీ నేత విష్ణువర్ధన్ రెడ్డి

అగ్రహీరో ప్రభాస్ హీరోగా, బాలీవుడ్ దర్శకుడు ఓం రౌత్ డైరెక్షన్ లో రూపుదిద్దుకుంటున్న చిత్రం ఆదిపురుష్. ఈ పాన్ ఇండియా చిత్రం అత్యంత భారీ బడ్జెట్ తో తెరకెక్కుతోంది. తాజాగా ఈ చిత్రం నుంచి ట్రైలర్ విడుదలైంది. ఈ నేపథ్యంలో, బీజేపీ ఏపీ ప్రధాన కార్యదర్శి విష్ణువర్ధన్ రెడ్డి స్పందించారు. నటుడు ప్రభాస్ అజాత శత్రువు అని కొనియాడారు. అద్భుతమైన సినిమాను రాజకీయ కోణంలో చూస్తూ, బాధ్యతారహితంగా వ్యాఖ్యలు చేస్తారా? అంటూ విష్ణువర్ధన్ రెడ్డి మండిపడ్డారు. జై శ్రీరామ్ అంటూ ఈ మేరకు ట్వీట్ చేశారు. ఆదిపురుష్ చిత్రంలో ప్రభాస్ శ్రీరాముడిగా, కృతి సనన్ సీతగా నటిస్తున్నారు. దేవదత్త నాగె హనుమంతుడి పాత్ర పోషించారు.