Nani: నాని 30వ సినిమాకి ఇంట్రెస్టింగ్ టైటిల్!

నాని హీరోగా ఇటీవల వచ్చిన 'దసరా' సినిమా భారీ విజయాన్ని సొంతం చేసుకుంది. నాని కెరియర్లో అత్యధిక వసూళ్లను సాధించిన సినిమాగా ఇది నిలిచింది. మాస్ హీరోగా కూడా నాని మంచి మార్కులు కొట్టేశాడు. ఈ సినిమా సక్సెస్ ను ఎంజాయ్ చేస్తున్న నాని, ఆ తరువాత సినిమా పనులతో బిజీగా ఉన్నాడు. 

కెరియర్ పరంగా నానీకి ఇది 30వ సినిమా. తల్లిదండ్రులు విడిపోవడం వలన పిల్లలు ఎలాంటి సమస్యలను ఫేస్ చేస్తారనేది కథ. తండ్రీ కూతుళ్ల అనుబంధం ప్రధానంగా ఈ కథ నడుస్తుందని అంటున్నారు. అందువలన ఈ సినిమాకి 'హాయ్ నాన్న' అనే టైటిల్ ను పరిశీలిస్తున్నట్టుగా చెబుతున్నారు. దాదాపు అదే టైటిల్ ను ఖరారు చేయవచ్చని అంటున్నారు.

 వైరా బ్యానర్ పై మోహన్ చెరుకూరి నిర్మించిన ఈ సినిమాకి, శౌర్యువ్ దర్శకత్వం వహిస్తున్నాడు. నాని భార్య పాత్రలో మృణాళ్ ఠాకూర్ కనిపించనుంది. హేషమ్ అబ్దుల్ వహాబ్ ఈ సినిమాకి సంగీతాన్ని సమకూర్చాడు. డిసెంబర్ 21వ తేదీన ఈ సినిమాను విడుదల చేయనున్నారు.