Infinix Inbook X1 Neo: పాతిక వేలకే నాజూకైన ల్యాప్ టాప్
- ఇన్ఫినిక్స్ ఇన్ బుక్ ఎక్స్ 1 నియో
- ఫ్లిప్ కార్ట్ లో 21 నుంచి అమ్మకాలు
- రెండు రంగుల్లో లభ్యం
- 8జీబీ ర్యామ్, 256 జీబీ స్టోరేజీ సామర్థ్యం
ఇన్ఫినిక్స్ ఇండియా బడ్జెట్ ధరలో ల్యాప్ టాప్ విడుదల చేసింది. ఇన్ఫినిక్స్ ఇన్ బుక్ ఎక్స్ 1 నియో పేరుతో వచ్చిన ఈ ల్యాప్ టాప్ ధర రూ.24,990. మంచి పనితీరుతో కూడిన అనుభవాన్ని ఇస్తుందని, ఫాస్ట్ చార్జింగ్ కు సపోర్ట్ చేస్తుందని ఇన్ఫినిక్స్ ప్రకటించింది. ఈ ల్యాప్ టాప్ బరువు 1.24 కిలోలు. 14.8 ఎంఎం మందంతో నాజూకుగా ఉంటుంది. ఇంటెల్ సెల్ రాన్ క్వాడ్ కోర్ ఎన్ఎస్ 5100 ప్రాసెసర్ తో పనిచేస్తుంది. 8జీబీ ర్యామ్, 256 జీబీ స్టోరేజీతో వస్తుంది.
విద్యార్థుల టాస్క్ లను ఈ ల్యాప్ టాప్ సాఫీగా చేస్తుందని కంపెనీ తెలిపింది. అల్యూమినియం అల్లాయ్ ఆధారిత మెటల్ బాడీ తో దీన్ని తయారు చేశారు. కాస్మిక్ బ్లూ, స్టార్ ఫాల్ గ్రే రంగుల్లో లభిస్తుంది. ఈ నెల 21 నుంచి ఫ్లిప్ కార్ట్ లో అమ్మకాలు మొదలవుతాయి. సిటీ, ఆర్బీఎల్, కోటక్, యాక్సిస్ బ్యాంకు కార్డులతో కొంటే తగ్గింపు లభిస్తుంది. ప్రధానంగా విద్యార్థులను దృష్టిలో పెట్టుకుని ఈ ల్యాప్ టాప్ తయారు చేసినప్పటికీ, ఇతరుల అవసరాలను కూడా తీర్చే సరిపడా సామర్థ్యాలు ఉన్నాయి.
