రామ్ హీరోగా హరీశ్ శంకర్ సినిమా!

27-06-2022 Mon 12:18
  • రామ్ తాజా చిత్రంగా రూపొందిన 'ది వారియర్'
  • వచ్చేనెల 14వ తేదీన విడుదల 
  • తదుపరి సినిమా బోయపాటితో 
  • లైన్లో నే ఉన్న హరీశ్ శంకర్
Ram in Harish Shankar Movie
రామ్ తాజా చిత్రంగా ప్రేక్షకుల ముందుకు రావడానికి 'ది వారియర్' రెడీ అవుతోంది. జులై 14వ తేదీన ఈ సినిమాను తెలుగు .. తమిళ భాషల్లో భారీ స్థాయిలో రిలీజ్ చేస్తున్నారు. కృతి శెట్టి కథానాయికగా నటించిన ఈ సినిమాకి, లింగుసామి దర్శకత్వం వహించాడు. దేవిశ్రీప్రసాద్ సంగీతాన్ని సమకూర్చాడు.

ఈ సినిమా తరువాత బోయపాటి దర్శకత్వంలో రామ్ చేయనున్నాడు. అందుకు సంబంధించిన సన్నాహాలు కూడా చాలా రోజుల క్రితమే మొదలైపోయాయి. త్వరలోనే రెగ్యులర్ షూటింగ్ మొదలు కానుంది. రామ్ చేస్తున్న ఫస్టు పాన్ ఇండియా సినిమా ఇది. ఆ రేంజ్ బడ్జెట్ తోనే ఈ సినిమా రూపొందుతోంది.

ఈ సినిమా సెట్స్ పైకి వెళుతుండగానే  రామ్ మరో ప్రాజెక్టుకి గ్రీన్ సిగ్నల్ ఇచ్చాడని అంటున్నారు. ఆ డైరెక్టర్ ఎవరివో కాదు .. హరీశ్ శంకర్. ఆయన వినిపించిన కథ రామ్ కి బాగా నచ్చేసిందని చెబుతున్నారు. మరి బోయపాటి మూవీ తరువాత రామ్ ఈ ప్రాజెక్టు చేస్తాడా? దానితో పాటు ఇది కూడా కానిచ్చేస్తాడా? అనేది చూడాలి.