Enugu: జులై 1న వస్తున్న 'ఏనుగు'... కొత్త రిలీజ్ డేట్ ప్రకటించిన చిత్రబృందం

తమిళ నటుడు అరుణ్ విజయ్ ప్రధాన పాత్రలో వస్తున్న చిత్రం 'ఏనుగు'. ఈ సినిమా కొత్త రిలీజ్ డేట్ ను చిత్రబృందం ప్రకటించింది. జులై 1న 'ఏనుగు' చిత్రం ప్రేక్షకుల ముందుకు రానుందని వెల్లడించింది. వాస్తవానికి ఈ సినిమా జూన్ 17న రిలీజ్ కావాల్సి ఉంది. అయితే సాంకేతిక కారణాలతో విడుదల వాయిదాపడినట్టు చిత్రబృందం ప్రకటించింది. అనంతరం, కొత్త రిలీజ్ డేట్ ను వెల్లడించారు. 

ఈ సినిమాకు 'సింగం' ఫేమ్ హరి దర్శకత్వం వహించాడు. ఇందులో అరుణ్ విజయ్ సరసన ప్రియా భవానీ శంకర్ కథానాయిక కాగా, రాధిక, సముద్రఖని, కేజీఎఫ్ రామచంద్రరాజు, యోగిబాబు తదితరులు ఇతర పాత్రలు పోషించారు