ఆశీస్సుల కోసం వెళితే అత్యాచారం చేయబోయిన హెడ్ మాస్టర్

ములుగు జిల్లా వెంకటాపురం మండలం రామాంజపురంలో ఓ కీచక హెడ్ మాస్టర్ వ్యవహారం వెలుగులోకి వచ్చింది. ఇటీవలే పాఠశాల ఉద్యోగి పెళ్లి చేసుకున్నాడు. ఆశీస్సుల కోసం హెడ్ మాస్టర్ వద్దకు వెళితే, ఆ కామాంధుడు ఆ ఉద్యోగి భార్యపై అత్యాచారానికి ప్రయత్నించాడు. ఈ నవవధువు తప్పించుకుని భర్తతో కలిసి పోలీసులకు ఫిర్యాదు చేసింది.

కాగా ఈ ఘటనపై విద్యార్థి, మహిళా సంఘాలు భగ్గుమన్నాయి. కీచక ఉపాధ్యాయుడిపై వెంటనే చర్యలు తీసుకోవాలని, మహిళా హెచ్ఎంను నియమించాలని డిమాండ్ చేశాయి.